There's a burning in my pride, a nervous bleeding in my brain

Aloe vera vörur

Wed, 09 Jul 2008 12:42:40 GMT

Hæ ætlaði bara að setja hérna inn smá tilkynningu um að ég er farin að selja Aloe Vera vörurnar frá Forever, svo ef einhvern vantar frábærar vörur þá bara sendið mér mail thorunnindiana@internet.is :haha:

eitt stutt

Fri, 04 Jul 2008 15:40:27 GMT

jæja sveitadvölinni er lokið í bili og maður er kominn aftur til akureyrar með allt sfitt hafurtask:) Ég og Olgeir erum bara í rólegheitum í fæðingarorlofinu okkar en BInni greyið þurfti að mæta aftur til vinnu þann 2 júlí:$ Olgeir var skírður þann 22 júní heima í sveit. Við ætluðum að hafa þetta svona garðskírn en það var síðan svo hvasst þrátt fyrir sólskin að við lögðum ekki í það að hafa skírnina úti. Þá var bara öllum troðið inní stofuna og þar var litli kallinn skírður með pompi og prakt:haha: hann virtist bara vera sáttur við athöfnina og talaði allan tímann við prestinn einsog hann væri að samþykkja allt sem hann sagði (eða kannski mótmæla;)) Hann setti líka mömmu sina alveg útaf laginu í miðri athöfn með því að skíta svona líka hressilega þannig að það drundi alveg í bleyjunni:haha: ég barðist alveg við hláturinn og hef sennilega verið frekar kindaleg á svipinn á meðan á því stóð :)
Í sveitinni vorum við planta, taka til í garðinum, gera skjólbelti og heyja þannig að það má sko segja að við höfum haft nóg að gera og Olgeir tók þátt í þessu flestu með þvi að vera með okkur í vagninum sínum :þ
En já núna erum við ss á akureyri og ég verð að segja að það er svoldið einmanalegt eftir hafa verið heima í sveit með ölllu liðinu :$ en við Olgeir reynum að finna okkur eitthvað til að brasa á hverjum degi :)

Nenni ekki að skrifa blogg :)

Mon, 09 Jun 2008 16:52:58 GMT

Ég get ekki sagt að ég sé að nenna því að skrifa blogg þessa dagana enda hef ég nóg annað að gera við að dást að fullkomna drengnum mínum :haha: Einsog flestir vita þá eignaðist ég æðislegan strák 23 apríl og hann verður bara fallegri með hverjum deginum. Í morgun fórum við í ungbarnaverndina og drengurinn er bara orðinn 4750g og búinn að stækka um 6,5 cm....hann er s.s. orðinn 58,5 cm að lengd og hann er ekki orðinn 7 vikna ennþá :d veit ekki alveg hvaðan hann fær þennan ógurlega hraðvöxt því ekki er nú pabbi hans stór;) og ég bara svona í meðallagi:) Þessa dagana þá erum við bara á Akureyri og njótum þess að vera saman sem lítil fjölskylda. Bubba og Tímon eru reyndar ekki hérna heldur eru þau í pössun á Hvammstanga og heima í sveit. Það er reyndar ekki friður fyrir vinnunni þar sem að Binni var beðinn um að koma að vinna í síðustu viku en hann ákvað að klára bara fæðingarorlofið sitt út þennan mánuðinn, ég var beðin um að koma og vinna eins mikið og ég gæti uppá sjúkrahúsi því það er allt í hers höndum þar því enginn vill vinna með þessu fólki sem er þar:$ Ég fór í dag og vann í 2 tíma og ætla að reyna að kíkja eitthvað þangað á morgun því það er frekar mikið að gera. Síðan má nú segja að við höfum verið að klára skemmtilegustu vinnuna núna í maí en við vorum í sauðburð frá 13 maí til 1 júní og fengum sko vel borgað fyrir það 8) Það var alveg yndislegt að geta borgað niður 260 þusund í skuldir fyrir utan það sem við borguðum bara í reikninga í þessum mánuði. Í júní fáum við svo smá aukavinnu við að planta og sá peningur fer sennilega í að borga meira niður reikninga eða ef eitthvað verður eftir að borga eftir skírnina. Já við erum nebbla að fara að skíra núna 22 júní heima í sveit. þetta verður bara lítil skírn s.s. foreldrar, systkini, börnin þeirra og makar, afar og ömmur.
En já fleira í fréttum man ég ekki eftir akkurat núna svo ætli ég láti þetta ekki bara duga í bili nema Gulla systir hans Binna eignaðist stelpu nuna 6 júní, hún var pínkulítil bara 45 cm og innan við 10 merkur :) litla krílinu lá svoldið á að komast út og Gulla átti hana á stofugólfinu heima hjá sér og pabbi þeirra tók á ´móti henni:haha: Læknirinn var nefnilega ekkert að flýta sér því hann sagði að þetta tæki alltaf sinn tíma....held að þessir læknar ættu að fara að spá í því að sumar konur eru ekkert lengi að þessu:) allavega þá er þetta það sama og ég fékk að heyra en ég komst nú samt uppá sjúkrahús áður en minn kom :)

happy happy

Fri, 02 May 2008 12:47:20 GMT

einsog flestir vita er ég orðin mamma :d þetta er æðislegt og hann Olgeir minn er er algjör draumur:) maður er vissulega enn að læra á þetta allt saman en held að ´´i heldina þá gangi þetta bara vel hjá okkur:haha: þei sem vilja vita meira verða að kíkja inna barnalandssíðuna hans Olgeirs:d

ekkert barn ennþá :)

Thu, 17 Apr 2008 12:24:11 GMT

Ég er ólétt ennþá, endar sennilega með því að ég eignast það ekki fyrr en í lok mánaðarins :$ nenni því samt ekki :haha: vill að það komi bara akkurat núna :) Annars þá er ég í vinnunni en er samt að fara heim núna eftir smá þar sem ég fékk frá og með deginum í gær frjálsa mætingu hehe:) sem er mjög gott svo sem því þá ræð ég því alveg hvað ég er mikið hérna og þar sem eiginlega allt er búið í dag þá hef ég hugsað mér að taka mér bara frí það sem eftir er dagsins og njóta veðurblíðunnar:haha:
Annað í fréttum er nú mest lítið ég er búin að fá 2 lömb í viðbót, ég og Binni áttum 19 mánaða afmæli í gær og dekkið datt næstum undan bílnum mínum í fyrradag ;)
Segi ekkert meira í bili bið bara að heilsa ;)

Ekkert að gerast

Tue, 15 Apr 2008 12:13:02 GMT

Það bara gerist ekki neitt ennþá 8| ég er bara ólétt og bíð;) Ég er samt farin að fá ansi veglega fyrirvaraverki og 2var núna síðustu daga hef ég verið alveg viss um það að nú væri allt að fara af stað en viti menn það hættir alltaf við 8| Kannski líst því ekkert á að koma út sem ég skil svo sem alveg...það er örugglega miklu notalegra að liggja bara þarna inni og hafa það gott heldur en að vera að brasa fyrst við það að koma sér út og síðan að fara að hafa fyrir hlutunum ;) ég allavega sit bara hérna í vinnunni það er mjög rólegt núna í hádeginu og á eftir fer ég í hádegismat sem sennilega fer allur í það að eyða tímanum uppí Gúmmívinnslu við að laga dekkið á bílnum. Við settum nebbla bílinn í gær á fínu álfelgurnar okkar með sumardekkjunum á og allt í góðu með það en núna er allt í einu farið að heyrast furðulegt hljóð í dekkinu að framan hægra megin og ég er ekki alveg að fatta hvað þetta gæti verið......vona bara að dekkið detti ekki undan eða eitthvað á leiðinni uppí Gúmmívinnslu eða Alorku einsog það heitir núna. En já ananrs hef ég mjög lítið að segja við ákváðum að skella okkur til ljósmyndara í síðustu viku og það var rosalega gaman, létum taka flottar bumbumyndir:haha: og síðan eigum við að koma með barnið í 12 skipti til hans svo við sjáum hvernig það stækkar næsta árið. Þetta var svoldið dýr pakki en við hugsuðum um það að við megum ekki alltaf hætta við allt það skemmtilega vegna þess að við eigum ekki pening, við td. fórum ekki í 3víddarsónarinn einsog mig langaði svo mikið til og ég sé ennþá eftir því :( Þetta er nú einu sinni fyrsta barnið okkar og það er nú svoldið sérstakt:)
Heima í sveit er sauðburðurinn hafinn á fullu og mér finnst mjög svekkjandi að geta ekki verið þar einsog alltaf, held að þetta sé í fyrsta skipti á ævinni sem ég mun ekki koma nálægt sauðburði heima :$
Ég er búin að skrá mig í nám næsta vetur en þetta er svona lotubundið nám við HA í kennslufræðum til kennsluréttinda. Vona að ég fái inn en annars þá bara finn ég mér eitthvað annað að gera :) það er farið að blunda í manni ansi sterk þörf fyrir að fara í mastersnám og ég er farin að skoða þennan skóla í Kaupmannahöfn sem mig langar svo til að fara til. Mér finnst bara eitthvað svo mikið mál að flytja út til Danmerkur, veit það hljómar kannski asnalega en því miður þá finnst mér ég hafa skuldbindingar hérna sem ég get ekki hlaupið frá og því gæti ég svo sem trúað því að þetta nám mitt eigi eftir að dragast eitthvað á langinn:s
En já ég læt ykkur vita þegar krílið fæðist... ætla að fara að finna mér eitthvað að gera. :haha:

örstutt

Tue, 08 Apr 2008 17:42:55 GMT

örstutt yfirlit yfir síðustu daga:
• ég er ennþá ólétt:!:
• fór í mæðraskoðun í gær og allt lítur ljómandi vel út, legbotninn er orðinn eðlilega hár aftur og mældist 36 cm. Ljósan vill að ég fari að slaka á og ég lofaði bót og betrun:klikk:
• ég er búin að ákveða að sækja um í kennslufræðum til kennsluréttinda og nú er bara að vona að ég fái inn og einnig að vinnan samþykkji að gefa mér frí þessa örfáu daga sem til þarf.:haha:
• Það er brjálað að gera hjá mér í aukakennslu og ekki kvarta ég þar sem mig veitir ekkert af peningnum:d
• bílinn minn er nýbónaður 8)
• við erum loksins búin að gera allt klárt fyrir barnið svo það er komið upp rosalega krúttlegt rúm og smá skraut á veggina.:) Síðan keyptum við kommóðu til að hafa inni hjá okkur því plássið er ekki alveg nógu mikið.
• Klósettið mitt er ennþá ekki fast við gólfið og ein innstungan hangir út úr veggnum.... það er svona að hafa bara 2 karlmenn á heimilinu ;)
• Gardínurnar í stofunni eru loksins eftir 2 ár komnar í sömu hæð:haha:
• kötturinn minn er að gera mig og Badda geðveik með mjálmi á næturnar.
• Bubba hrýtur orðið svo hátt að við þurfum að vekja hana til að láta hana snúa sér á hina hliðina.
• dularfullt hljóð heldur áfram að berast inn í svefnherbergið okkar og ég er orðin illa pirruð á því er búin að tala við 2 af 3 nágrönnum og enginn vill taka þennan hávaða á sig:evil: ég er að verða geðveik á þessu því þetta er að halda fyrir mér vöku á næturnar og svo er þetta bara yfir höfuð pirrandi hljóð:!:
• ég fékk 2 lömb um daginn en því miður dó annað þeirra :cry:
• vantar manneskju til að klippa aðeins á mér hárið..getur þú reddað því??
• er að fara að elda kjúkling svo heyri í ykkur seinna:)

Mikið getur maður orðið þreyttur

Tue, 01 Apr 2008 15:27:04 GMT

Stundum langar mig til að fá svar við þeirri spurningu afhverju lífið þarf svona oft að koma í bakið á manni??? Þetta verður mjög þunglyndislegt blogg en ég bara verð að koma einhverju frá mér akkurat núna, er alveg sama þó enginn nenni að lesa þetta ég bara þarf að klaga. Er orðin svo þreytt og pirruð á því að vinna alla daga og mikið meira en það og samt á ég aldrei neitt eftir, peningarnir mínir hverfa hreint út sagt og ekki stend ég uppi með fullan fataskáp af nýjum fötum, utanlandsferð eða ný húsgögn ég stend uppi með ekkert nema fleiri reikninga og meiri áhyggjur af því hvernig ég á að ná saman endum næstu mánaðarmót, hvort ég eigi eftir að geta gefið barninu mínu það sem það þarf og yfirleitt áhyggjur af því að eiga eitthvað til að borða út mánuðinn. Mig langar stundum svo mikið til að gefa skít í þetta allt saman og bara labba frá þessu láta allt fara í vanskil og bara láta mig hverfa úr landi eða eitthvað. Sumir virðast komast í gegnum allt lífið án þess að hafa nokkuð fyrir því, aðrir virðast geta fengið endalaust af styrkjum og bótum og enn aðrir virðast geta fengið lán og skuldað og lýst sig gjaldþrota trekk í trekk án þess að þurfa gera neinar breytingar á sínu líferni. Ég hata þetta íslenska kerfi sem refsar fólki sem hefur fyrir því að vinna og vera í skóla og reyna að gera eitthvað úr sínu lífi. Það er staðreynd að því meiri aumingji og asni sem þú ert því meiri stuðning færðu frá íslenska kerfinu, því meiri drullusokkur og viðbjóður þú ert því meiri völd hefurðu og því meiri aðstoð færðu ef eitthvað kemur uppá. Ef þú ert venjuleg manneskja einsog ég sem vinnur 100-180% vinnu alla mánuði þá færðu ekkert, nákvæmlega ekkert!

hóstandi kanína

Sun, 30 Mar 2008 12:34:35 GMT

Ég er loksins að losna við helv... kvefið en morgnarnir eru samt ennþá slæmir því þá eyðir maður svona 1-2 klst í að hósta upp næturslíminu og losna úr nefinu það sem hefur safnast þar fyrir síðustu klukkustundirnar....en þetta er allt að koma og ég býst við því að fara í vinnuna á morgun verði töluvert auðveldara heldur en í síðustu viku:) Ég ætlaði nebbla að liggja heima á fimmtudeginum og kannski á föstudeginum en viti menn fékk að vita kl hálf átta á fim morguninn að sú sem er að vinna með mér myndi ekki mæta því hún væri komin með magapest og ég rauk á lappir, missti af Badda og endaði með að þurfa að taka leigubíl uppí vinnu þar hékk ég síðan og vann mína vinnu til kl 16:cry: síðan dagin eftir þá ákvað ég bara að mæta í vinnuna líka þar sem ég dó ekki daginn áður en ég fór reyndar heim kl 13 þar sem við vorum búnar að öllu og ekki von á nema 4-6 sýnum í viðbót, mér til mikillar lukku var ég einnig komin með í magann þennan daginn svo ég varð mjög fegin að komast heim. En allavega nú er ég að verða búin að vera veik í rúmlega viku og ég ætla rétt að vona að barnið mitt sé að hugsa um sig því ég er búin að léttast um 1,5 kg á þessari viku sem er svoldið asnalegt þar sem ég á tæknilega séð frekar að vera að þyngjast núna en hitt8| en svona fer maður þegar maður hefur lítið sem ekkert étið í heila viku. En já þið eruð sennilega komin með nóg af því að vita hvað ég er búin að vera veik :haha: en því miður hef ég lítið sem ekkert annað að segja ykkur. Ég heyrði jú i Sunnu vinkonu í gær í fyrsta skipti síðan í að ég held ágúst ´2007 en hún er í Suður-Ameríku og þar af leiðandi ekki alveg í besta sambandinu :) hún kemur heim í maí og ég hlakka bara til að hitta hana:d
Síðan líður óðfluga að því að ég verði mamma en í dag er ég komin 37 vikur og 6 daga :haha: ég get hreint og beint ekki beðið eftir því að þetta gerist.
Ég á voðalega erfitt með að gera mér í hugarlund hvernig þetta verður svo ég er bara bjartsýn og segi að þetta verði allt frábært :) Á morgun er ég að fara í mæðraskoðun og það verður gaman að vita hvort ég sé ekki í toppstandi ennþá og einnig finnst mér alltaf yndislegt að fá að heyra hjartsláttinn:d
En já ætla að finna mér eitthvað að gera þangað til ég sæki Binna en hann er að sinna sinni sunnudagsvinnu ;) sem betur fer eru bara 2 skipti eftir þegar þetta í dag er búið þar sem þetta er ekki beint það skemmtilegasta í heiminum.
En hafið það öll gott :)

Hefði betur haldið kjafti....

Tue, 25 Mar 2008 15:24:36 GMT

já það verður sko að segjast að ég hefði betur haldið kjafti um hvað ég er búin að vera heilsuhraust í vetur:evil: páskafríið mitt fór næstum einsog það lagði sig í að vera veik og ég er ennþá frekar mikið slöpp:cry: Við fórum vestur á þriðjudaginn fyrir páska og allt í góðu með það fórum til Hvammstanga og höfðum það gott þar. Fórum td. á páskaeggjabingó á miðvikudeginum og Binni vann aðalvinninginn sem var páskaegg nr. 7 frá Nóa:haha: Síðan á skírdag var okkur boðið í síðdegiskjúkling útá Kárastöðum og seinna þann dag fór ég og hitti Unni vinkonu og við kjöftuðum frá okkur allt vit yfir pitsu á Síróp:) Síðan þá um nóttina fór allt að snúast á verri veginn:( Ég vaknaði um nóttina með svona ógeðslegan magaverk og viti menn Gullfoss átti ekki roð í mig. Síðan fór ég nú aftur að sofa en þegar ég vaknaði daginn eftir þá hófst dagurinn á því að æla lifur og lungum og þannig gekk það allan föstudaginn:cry: fyrstu 2 klst sem ég var á fótum þá var ég búin að æla 5 sinnum og svona var það allan daginn þannig að ég lá einsog klessa í sófanum fyrir framan sjónvarpið á milli þess sem ég hljóp á klósettið. Síðan var greinilegt að þessi æsingur í mér hafði ekki mjög góð áhrif á bumbuna því þegar leið á daginn var ég komin með samdrætti á nokkurra mínútna fresti og verki alveg yfir allt mjóbakið... ég var í enda dagsins bara orðin nokkuð viss um það að ég myndi eiga barnið þarna um nóttina;) en svo fór þetta nú allt að lagast og á laugardeginum voru farnar að líða 10-20 mín á milli samdrátta og ég öll að braggast þó mér væri reyndar alltaf bumbult. Við keyrðum síðan þann dag til Blönduós og sóttum mömmu en hún var að vinna og þaðan fórum við heim í sveit:haha: Ég hélt nú að þetta væri orðið gott og ég gæti notið það sem eftir væri af páskafríinu en nei.... á páskadag var ég ennþá slöpp í maganum og komin með þennan fína hósta, hitavellu og hálsbólgu þannig var ég allan páskadaginn og annan í páskum og núna í dag sem ég sit hér og skrifa þetta blogg á milli þess sem ég hósta upp lungnaskít og snýti mér þá vildi ég að ég hefði bara haldið kjafti um það hvað ég væri búin að vera heppin í vetur að sleppa við allar pestar8| Páskarnir mínir sem áttu sko aldeilis að vera átveisla og afslöppun urðu að veikindissleni og ég át ekki nema einu sinni ís og ekki eina einustu steik eða neitt svoleiðis því kjöt er eitthvað sem ég bara kem ekki niður núna.:( Bara svo þið áttið ykkur á því hvað þetta var alvarlegur páskabrestur þá er ég ekki einu sinni búin að opna páskaeggin mín 8| það hefur aldrei gerst áður í minni 24 ára sögu:!:
En já allavega ég sit hérna í vinnunni og er að vonast til þess að klukkan líði enn hraðar svo e´g komist heim en það vildi svo til að dagsverkinu var lokið kl 14 svo ég hef bara setið eftir það og hangið í tölvunni. Mig dauðlangar heim í rúm til Binna míns og kúra og horfa á desperate housewifes en við fengum seríu 3 lánaða hjá Dísu systur um páskana. Svo eftir ca. 45 mín þá verð ég komin uppí rúm undir sæng, klesst uppvið Binna, að borða páskaeggið mitt (hef alveg lyst á því núna þó ég sé kvefuð;)) horfandi á dvd og ætla ekki frammúr aftur fyrr en kl hálf átta í fyrramálið þegar ég þarf að drattlappast aftur í vinnuna.

Money, money

Tue, 18 Mar 2008 11:46:30 GMT

jæja það er ekkert að gera í vinnunni og ég er að bíða eftir því að geta farið í langan hádegismat:d Síðan er bara að hanga hérna til kl 4 og þá get ég farið heim og þaðan vestur því það stefnir bara allt í það að ég geti alveg verið í fríi á morgun.. það er að segja ef það hrúgast ekki inn sýni eftir hádegi8| Ég fór í mæðraskoðun í gær og er bara í svona glymrandi ástandi:haha: flottur blóðþrýstingur, smá bjúgur, fínn hjartsláttur hjá krílinu og engin prótein, sölt eða óeðlilegheit í þvaginu. I am made for having babies:!::haha: þar sem þetta kom svona vel út þá á ég ekki að mæta aftur fyrr en eftir 2 vikur en það er bara aldrei að vita nema ég verði búin að eiga þá ;) Krílið er alveg komið í startholurnar og bíður bara eftir því að ég skjóti því út:) þannig að kannski verður þetta bara marsbarn en ekki aprílbarn, ég er samt bara komin 36 vikur á leið í dag en ljósan sagði að þetta yrði í góðu lagi þó barnið myndi ákveða að koma eitthvað fyrir 38 vikurnar:p Ég bara hreint og beint get ekki beðið eftir að þetta gerist:d
Annað mál er að ég er búin að setja inn alveg heilar 3 myndir inná barnalandssíðuna ;) og síðan var ég að bæta myndum svona héðan og þaðan inná photobucket síðuna mína þannig að ef ykkur langar að skoða þá bara farið þið inná annan hvorn myndalinkinn hérna á blogginu (man aldrei hvor linkurinn það er) og kíkið á.:) Annars er ég búin að vera óvenjulega léleg við að taka myndir við hin og þessi tækifæri... veit ekki alveg afhverju:$
En já kisi skilaði sér heim í nótt en væntanlega vissi enginn af ykkur sem lesa þetta blogg að hans hefði verið saknað í rúmlega sólarhring. Við vorum orðin skíthrædd um að hann væri dauður þegar hann spýttist allt í einu inn um gluggann kl 2 í nótt og heimtaði að við klöppuðum honum :) því miður var svo vond lykt af honum að það var varla hægt að hafa hann nálægt sér;) Hann hefur greinilega verið að þvælast niðri á bryggju td. í slippnum eða eitthvað svollis því það var svo mikil fitu, véla, olíu lykt af honum. Síðan þar sem hann hafði skilað sér þá ætluðum við ekki að hleypa honum út aftur því hann á að koma með okkur vestur í dag en viti menn þegar ég fór á fætur í morgun þá hafði Binni ekki lokað glugganum nógu vel eftir síðustu reykingarpásuna og kisi hafði opnað gluggann og var farinn:s en þetta reddaðist alveg því í morgun fór Binni að leita að honum og fann hann niðrá bryggju það gekk reyndar eitthvað brösulega að ná honum en þegar Binni labbaði bara í burtu og þóttist ekki ætla að eltast meira við hann þá að sjálfsögðu kom kisi á eftir honum til að ráðast á Bubbu og þá náði Binni honum :haha: Kisi er núna heima í stofufangelsi :klikk:
veit ekki hvað ég á að skrifa meira hlakka bara til að fara í páskafrí og éta páskaeggin mín en ég á núna orðið 2 eitt nr 6 frá nóa og annað nr 4 frá góu því þegar við komum í vinnuna í gær þá biðu handa okkur svona rísegg frá góu í boði læknisins á deildinni. :) Voðalega almennilegur kallinn að gefa okkur öllum egg:)
Óska ykkur bara öllum gleðilegra páska og endilega borðið á ykkur gat... til þess eru þessar hátíðar... til að slappa af og éta einsog maður getur :haha:

Sunnudagur til sælu

Sun, 16 Mar 2008 17:15:30 GMT

Mér er loksins búið að takast að virkja barnalandssíðuna þannig að núna ættu allir að komast inná hana sem hafa lykilorðið. Það er nú eiginlega ekkert komið inná hana ennþá en ég er að stefna á það að setja inn kannski bumbumyndir ofl á eftir :haha:
Annars er ég bara í leti í dag, við vöknuðum kl hálf tíu í morgun og þar sem við vorum búin að ákveða að við ætluðum að sofa út þá fórum við ekki frammúr rúminu fyrr en 12 alveg þó við værum ekkert að geta sofnað svona almennilega heldur bara dormað;) þrjóskan alveg að drepa mann við það að slappa af ;) Síðan fórum við útá hundasvæði með Bubbu og hún fékk að hlaupa þar um í mikilmennskubrjálæði geltandi einsog vitleysingur.8) Sáum alveg ógeðslega krúttlegan hund þarna hann var svo pínkulítill í lopapeysu :) hoppaði og skoppaði þarna um allt :) Síðan fórum við og fengum okkur sunnudagsísinn og kíktum til pabba og mömmu hans Binna en þau voru að ganga frá orlofsíbúðinni og voru að leggja af stað vestur.
Nú eru aðeins 2-3 dagar eftir í vinnu og svo er komið páskafrí :) ég er nebbla að spá í að taka mér einn frídag á miðvikudaginn og þá getum við farið vestur á þriðjudaginn :) svo verður bara legið í leti og étin páskaegg :)
En nóg í bili hef ekki mikið að segja :)

segja ykkur sögu

Sat, 08 Mar 2008 10:34:20 GMT

Já ég er í vinnunni einsog alltaf en ótrúlegt en satt þá er þetta síðasta vinnuhelgin mín.... ég hef hugsað mér að fara að ráðum ljósunnar minnar og læra að slaka á. Samkvæmt hennar bókum þá þykir það mikil vinna fyrir ólétta konu að vera í 120% vinnu að lágmarki plús það að vera með aukakennslu og bara svona almennt að vera að gera eitthvað annað einsog vera á námskeiði, flísaleggja baðherbergi ofl ;) Ég verð nú að viðurkenna að mér finnst svo sem allt íl agi að minnka aðeins vinnuna því það er orðin breyting finnst mér á nánast á hverjum degi s.s. í þá áttina að ég er orðin feitari og latari :haha:
En já með barnalandssiðuna hún verður virkjuð núna um helgina, ég var búin að trassa það að borga ársgjaldið og þess vegna er ekkert hægt að skoða hana en því verður reddað bara sennilega núna á eftir.
Við erum loksins farin að undirbúa komu barnsins eitthvað að ráði og ég tók síðustu helgi alveg í það að þvo öll fötin sem við erum komin með, einnig fórum við að versla og keyptum svon sitt litið af hverju sem var geggjað gaman :) Svo núna í vikunni þá keyptum við barnabílstólinn og hann er geggjað flottur alveg í stíl við bílinn8) svartur og rauður, graco stóll með base. Svo er stefnt á það að sækja fullt af dóti vestur um páskana og reyna að vera klár með allt saman því nú er farið að styttast mjög í þetta þar sem kellingin verður komin 35 vikur á leið á þriðjudaginn í næstu viku ;) svo þá eru 3-7 vikur í þetta en ég vona innilega að það verði nær 3 vikunum heldur en hitt :) við erum bæði orðin svo spennt og hlökkum mikið til að spreyta okkur á foreldrahlutverkinu:d
Annars er frekar lítið í fréttum ég er í vinnunni og þar gerist mest lítið og svo kem ég heim og þá er bara þetta venjulega taka til, elda, horfa á tv og lesa eða eitthvað þannig :) Við fórum reyndra í keilu á miðvikudaginn og það var alveg geggjað gaman, ég skíttapaði fyrir Badda og Binna og náði að fljúga á hausinn í fyrsta skiptið sem ég átti að gera :^) náði einhvern vegin að stíga á skálmarnar á buxunum mínum og fljúga beint á rassinn/hliðina:$ geggjað flott move ;) en þá kom í ljós herramennskan á staðnum þar sem enginn ekki einu sinni maðurinn minn stóðu á fætur til að athuga með mann:whut:uppeldið greinilega eitthvað að klikka hjá mér:haha: en Baddi bróðir fékk þó prik því hann allavega var farinn að setja sig í stellingarnar til að standa á fætur þegar kellingin rauk á lappirnar með auma bumbu og sært egó:haha:
Ég get ekki beðið eftir ´páskunum með sitt 5 daga frí og fullt af nammi :haha: ég er búin að kaupa mér egg númer 6 og er búin að vera í páskaeggjasmökkun reglulega síðan þau komu í búðirnar en með smá aðstoð er ég nú þegar búin að stúta 2 eggjum númer 4 og sennilega um 6 eggjum númer 1 og einu númer 2 :$ maður verður nú að vera viss um gæðin á þessu ;) En já ég ætla að fara og prufa að opna þessa barnalandssíðu mína og hver veit nema ég setji inn bumbumyndir í kvöld :) þið verðið bara að lita framhjá því að ég er orðin slitin gömul kona í fyllstu merkingu. Ég verð samt að segja eitt að lokum sem lýsir því sennilega mjög vel hve maður er í raun brenglaður í sjálfsmynd en maður er alltaf að hrofa á sig í spegli og bölva sínum göllum og fellingum en þegar ég horfi á mig í dag þá finnst mér ég aldrei hafa litið jafnvel út8| er mjög ánægð með vöxtinn og bumbuna mína... það eina sem mér sárnar er hvað húðin á mer hefur tekið þessu illa og því er ég orðin einsog ég sagði áðan ansi slitin:(

örstutt til að minna á mig

Mon, 03 Mar 2008 15:56:57 GMT

Hæ hér er örstutt blogg bara til að sýna að ég er ekkert hætt að blogga..... er bara mjög löt við það. Þessa dagana þá er ég að læra að slaka á þar sem mér var bent á það af ljósunni minni að maður þyrfti aðeins að kunna að slaka á. Svo vitiði hvað ég er sennilega að fara að hætta á Securitas þangað til seinna á árinu, ætla bara að taka allavega eina helgi í viðbót og svo er stefnt á það að vera bara í fríi um helgar.8) sjáum til hvernig það gengur:haha: En annars svona stutt yfirlit yfir hvað er búið að gerast er: fór á Fló á skinni og hló mig næstum í sundur...snilldar leikrit sem ég mæli með fyrir alla:haha:, baðherbergið er næstum klárt bara eftir að kítta aðeins hér og þar, búin að kaupa barnavagn, kerru og smá af fötum og dóti, fékk að vita um helgina að fjölskyldurnar eru alveg að ranka við sér núna og við fáum bara sent í stórum stíl á næstunni allskonar dót fyrir barnið, mamma og pabbi eru að koma til akureyrar á miðvikudaginn ef veður leyfir, ég er komin með æði fyrir bingó, það er alltaf að verða flóknara að fylla út skattskýrsluna mína, ég er komin með bjúg í fæturnar og mig vantar að losna við tölvuborðið mitt ef einhver sem les þetta hefur áhuga... :) segi bless í bili

snjór og meiri snjór

Sun, 03 Feb 2008 10:19:36 GMT

jæja hvað segist? :) Ég er hálfsofandi í vinnunni, get ekki sagt að ég nenni að vera hérna því mig langar svo til að fara að sofa :( En fyrir utan það þá er verið að vinna í baðinu heima og gengur bara nokkuð vel. Tengdó komu á föstudaginn og þegar við hættum í gærkvöld þá vorum við búin að flísaleggja ca. helminginn af baðherberginu og ganga frá undir klósettinu. Því miður virðist ætla að stranda á því að við komumst í inntökin því einsog þið munið kannski þá stóð ég í miklu stappi við að fá lykil að hurðinni svo ég kæmist að inntökunum í íbúðinni minni.....jæja ég fékk loksins lykilinn og fór með hann í Byko og lét gera afrit af honum og viti menn.......hann passar ekki:evil: Þetta lið í Byko fékk mjög ljótar hugsanir sendar til sín í gærkvöldi sérstaklega vegna þess að fólkið á efri hæðinni skrapp inní sveit í gær og kemur ekki fyrr en einhvern tímann í dag:( og auðvitað af því við búum á AKUREYRI þá er enginn hérna sem tekur að sér að opna hurðir, löggan vill ekkert aðstoða við svona og allt er lokað í Byko og húsasmiðjunni svo það er vonlaust að reyna að láta laga lykilinn. Svo ætli það endi ekki með því að við komumst ekkert í þetta áður en tengdó fara aftur vestur í dag og þá endum við með að hafa enga sturtu í einhvern x-langan tíma:cry: Það fer stundum í taugarnar á mér hvað hlutirnir vilja ekki ganga upp.

En já svo við víkjum að öðru þá er ég að byrja á námskeiði núna á fimmtudaginn það verður kennt alla fimmtudaga til og með 10 apríl og ég hlakka mjög til að byrja á þessu :) Versta er að því miður lendir foreldranámskeiðið á þessum sama tíma allavega einhverja dagana og þar sem ég held að ég verði að hafa 100% mætingu á hinu námskeiðinu þá missi ég sennilega af einhverjum tímum sem mér finnst mjög leiðinlegt :$ Binni er að spá að mæta bara einn á foreldranámskeiðið og finna sér aðra kellingu þar sem hefur ekki náð kallinum sínum með ;)

Annað mál á dagskrá er að moka bílinn okkar út, hann hefur staðið á bílastæðinu síðan í gær pikkfastur8| Ég verð að reyna að ná honum í dag þar sem ekki virðist ætla að hætta að snjóa og ekkert bólar á því að einhver komi og moki planið, bæjaryfirvöld hérna eru greinilega ekki með það á forgangi að moka strandgötuna. :frown: Það er verst að vera svona óléttur og Binni með ónýta löpp en það gerir það að verkum að erfiðara er fyrir vikið að redda þessu, ég á erfitt með að moka, get ekki ýtt bílnum og Binni á erfitt með að ýta bílnum....ekki getum við bæði setið inní honum og stýrt ;) þannig að ég óska hér með eftir sjálfboðaliðum til að mæta heima hjá mér í dag eftir kl 17 og ná bílnum mínum úr þessari sjálfheldu:haha:

Jæja hef ekki meira að segja í dag eða kvarta yfir svo ég bið að heilsa í bili ;)